Во Виница денеска за првпат ќе се одржи „Марш на ангелите“, посветен на 63-те жртви од трагедијата во Кочани.
Организаторите најавија дека 43. „Марш на ангелите“ ќе се одржи со почеток од 17:05 часот, а собирот ќе започне во 16:45 часот на плоштадот „Ангел Винички“.
Маршираме затоа што зад бројката 63 стојат 63 прекинати животи, неостварени соништа, празни соби и семејства што засекогаш останаа без дел од себе. Затоа што над 500 повредени и преживеани не се бројки во извештај — туку луѓе што секој ден живеат со физички последици и трауми од таа ноќ. Маршираме затоа што за ваква трагедија не смее да постои симболична одговорност. Затоа што условна казна не е правда за 63 изгубени животи и стотици уништени семејства. Молчевме доволно. Сега зборуваат ангелите преку нас. Чекорат преку нас – се вели во соопштението од Здружението на граѓани „16ти Март 2025“.
