Со 712 гласови за од 783 гласови за, делегатите на СДСМ го потврдија изборот на Стево Пендаровски за кандидат за претседател.
„Драго ми е што за првпат во независна Македонија, застануваат три партии на етнички Албанци“, рече Пендаровски во обраќањето пред делегатите на конгресот.
„Оваа коалиција веќе направи чудо со тоа што го урна режимот и постигна договор со Грција. Овие луѓе и ништо друго да не направат ќе останат на светлите страници на историјата“, рече Пендаровски и дополни дека во 2014 година бил направен брутален изборен инженеринг.
„Ми дадовте огромна политичка одговорност“, рече Пендаровски, заблагодарувајќи им се за поддршката на сите делегати.
Пендаровски кажа дека луѓе од разни етникуми да се определат за исти цели и дека од Република Северна Македонија почнале да доаѓаат убави вести.
„На 5 мај немаме друга алтернатива, друга опција, освен да победиме“, рече Пендаровски.
Васко Маглешов