Пендаровски-Хоти: Пандемијата не смее да биде пречка за соработката меѓу двете држави

Од:

Глобалната пандемија не смее да биде пречка за натамошно унапредување на економските и трговските односи и за интензивирање на меѓусебната соработка и поддршка на планот на евроинтеграциите и спроведување на реформските процеси, порачал претседателот Стево Пендаровски на денешната средба со косовскиот премиер Авдулах Хоти, кој престојува во официјална посета на земјава.

На средбата, како што информира Кабинетот на претседателот, разменети се мислења за актуелните случувања во двете земји, за европската перспектива на државите од Западен Балкан, како и за севкупните мерки што се превземаат во справување со кризата од Ковид-19.

Пендаровски изразил уверување дека одличните односи меѓу двете земји ќе продолжат да се развиваат во духот на добрососедството и ќе бидат потврдени со конкретни иницијативи, кои ќе придонесат за просперитетен и стабилен регион и забрзана регионална соработка.

Во таа насока, соговорниците размениле мислења и околу можностите за продлабочување на билатералната и регионалната економска соработка, како и за поинтензивна комуникација помеѓу бизнис секторите на двете земји.

Пендаровски го поздравил и Договорот за економско нормализирање на односите меѓу Косово и Србија потпишан во Вашингтон, како исчекор во изнаоѓањето на конечен компромис, посочувајќи дека тој ќе придонесе за севкупната стабилност на регионот.

Би можело да ве интересира

Хоти по потврдените обвиненија: Косово повторно се соочува со искушенија

А1он

Пендаровски му се заблагодари на Штајнмајер за постојаната германска поддршка во европската интеграција

Жарко Настоски

Пендаровски: Локдаунот во Франција и Германија не е полициски час каков што ние имавме

Искра Манојлоска

ВИДЕО: Хоти не одговори дали ќе се воведат ПЦР тестови за влез во Косово

Жарко Настоски

ВИДЕО: Заев го пречека косовскиот премиер Хоти во Владата

Жарко Настоски

Претседателот Пендаровски ја посети организацијата „Полио Плус”

Жарко Настоски