Полициски службеници од ОВР Кавадарци денеска спроведоа акциска контрола за санкционирање на прекршоци што ги прават мотоциклистите, при што се казнети 50 мотоциклисти, а дванаесет мотоцикли се задржани во полициска станица согласно чл. 344 од Законот за безбедност во сообраќајот на патиштата, соопшти кавадаречката полиција.
Од МВР најавуваат дека засилените контроли во сообраќајот продолжуваат и во наредните денови и апелираат учесниците во сообраќајот да ги почитуваат правилата и прописите за, како што велат, заеднички да придонесеме за побезбедни патишта.