Вработените во општинското комунално претпријатие „Турија“ од Василево, деновиве започна со приклучување на домакинствата од Чанаклија на новиод водовод.
Како што истакна градоначалникот на Василево, Ване Стојанов, првите 50 домакинства веќе потпишале договори и се приклучени на новиот водовод.
– Како и во останатите села, така и овде домаќинствата плаќаат по 1.300 денари за приклучување. Судејќи според интересот се надеваме дека до крајот на мај сите 160 домаќинства во село Чанаклија ќе се приклучат на новиот водовод, со што ќе се надмине проблемот со снабдување на жителите со здрава вода за пиење, изјави градоначалникот Стојанов.
Системот за водоснабдување во Чанаклија е изграден со средства од општина Василево и Владата на Република Македонија преку Проектот за подобрување на општинските услуги.