Опозициските пртеници денеска повторно го критикуваа законот за лустрација кој вчера беше изгласан од влаеачкото мнозинство и покрај големите забелешки на опозиционите партии. Според Ана Павлова Данева од СДСМ овој закон ќе служи единствено за пресметка со политичките неистомисленици, содржи голем број правни недоречености и пропусти и е спротивен на уставните одредби.
Затоа рече Данева, за СДСМ овој закон не постои и не произведува правни последици.За Ивон Величковски овој закон ќе предизвика големи штети и ќе го продлабочи јазот во македонското општество. Според него не е целта да се санкционираат поранешни функциопнери туку да се спречат лица кои кршеле човекови права да имаат пристап до јавни функции.