Продолжува праксата како и во текот на минатите изборни циклуси, активисти на една од најголемите политички партии на партиски списоци ги бележат граѓаните кои излегле да гласаат.
Во општина Чашка бележењето на партиски списоци се прави од куќа на еден од членовите, но и од возило паркирано пред портата, непосредно до гласачкото место.
Ваквата активност на активистите од партијата е казниво според закон и претставува кршење на Изборниот законик, а досега, во општина Чашка, каде што е забележано, не е санкционирано од полицијата.
Од МВР информираа дека до 9 часот не е забележано прекршување на јавниот ред и мир на гласачките места. Според нив, изборите се одвиваат мирно и во најдобар ред.