Снегот кој што вчера падна во главниот град, предизвика проблеми на Меѓународниот аеродром Скопје.
Откако синоќа авион на компанијата „Германија“ со околу 200 патници, пред полетување за Цирих заглавил во нанос од снег, денес се уште не е исчистен паркингот пред аеродромот.
Паркирањето на овој паркинг чини 80 денари за 1 час.
Граѓаните на социјалните мрежи се жалат и за неисчистени патишта низ целата држава, иако службите на Македонијапат, соопштуваат дека работат на терен.
Синоќа патниот правец Росоман-Прилеп беше во прекин, откако камион на ЈП „Македонијапат“ кој работел на расчистување на снегот се преврте.