Папата Франциск ја започнува Апостолската посета на Бугарија и Северна Македонија

Од:

Поглаварот на Католичката црква, папата Франциск денеска ќе допатува во Софија со што официјално почнува неговата тридневна Апостолска посета на Бугарија и Северна Македонија.

Папата претпладнево ќе биде официјално пречекан на софискиот аеродром, каде ќе има средба со бугарскиот премиер Бојко Борисов. Од аеродрoмот понтифот ќе се упати кон претседателската палата во Софија пред која ќе се одржи церемонијата на пречек, по што тој ќе има протоколарна средба со претседателот на Бугарија, Румен Радев.

По разговарите на двајцата шефови на држави, папата Франциск ќе има средба со претставници на бугарските власти, на граѓанскиот сектор и на дипломатскиот кор.

Според планот, папата потоа ќе ги посети патријархот себугарски и митрополит софиски Неофит и членовите на Синодот на Бугарската православна црква, по што тие ќе одржат молитва пред престолот на свети Кирил и Методиј во катедралната црква „Св. Александар Невски“. По молитвата на плоштадот пред катедралата ќе биде одржан антифон за Богордица познат како Regina Coeli, при што на папата ќе му биде подарена копија на иконата Пресвета Богордица од Несебар.

Во попладневните часови поглаварот на Римокатоличката црква ќе одржи света миса на плоштадот „Кнез Александар“.

Папата утре, на вториот ден од престојот во Бугарија, ќе го посети бегалскиот камп „Враждебна“ во Софија, по што ќе одржи миса во католичката црква „Пресвето срце“ во градот Раковски, во близината на Пловдив, а во попладневните часови ќе го заврши официјалниот дел од посетата со молитва за мир на плоштадот „Независност“. Во вторник папата од Софија ќе допатува во Скопје.

Би можело да ве интересира

ЕК покрена три нови постапки против Бугарија поради кршење на прописите на ЕУ

А1он

Со заедничка резолуција во Европскиот парламент ќе покажеме дека сме добри соседи со Бугарија, вели Мицкоски

Муцунски: Предлогот за заедничка резолуција со Бугарија до Европскиот парламент е стигнат и сега Софија е на потег

(ВИДЕО) Во Бугарија запленети 206 килограми кокаин во вредност од околу 18 милиони евра

А1он

Ќе се гради прекуграничниот тунел помеѓу Ѓуешево и Деве Баир на пругата од Коридорот 8

Горан Наумовски

Бугарија: Пожар зафати 25 куќи, наредена е масовна евакуација