„Менаџмент на речниот басен и управување со предизвиците на регионално, национално и локално ниво“ е темата на панел дискусијата која денеска и утре ќе се одржи во Скадар, Република Албанија.
Конференцијата, на која ќе учествува и заменик-министерот за животна средина и просторно планирање Стево Темелковски е во рамки на регионалната работилница: Локални предизвици на Дримскиот Басен.
CRESSIDA е регионална програма за изградба на капацитети на локалните заедници за одржлив развој во меѓународното сливно подрачје на реките Дрим и Дрина која ја спроведуваат Албанија, Босна и Херцеговина, Косово, Црна Гора, Македонија и Србија.
Финансирана е од Агенцијата за заштита на животната средина на Соединетите Американски Држави (УС ЕПА).
