Пратеникот Панчо Минов од партијата ГРОМ која е дел од коалицијата предводена од ВМРО-ДПМНЕ, се вклучи во работата на Собранието и покрај тоа што пратениците од опозициската коалиција рекоа дека нема да учествуваат во парламентарните процеси.
Минов денеска присуствуваше на Комисијата за политички систем и односи меѓу заедниците каде се разгледуваа измени во Законот за администрацијата како и законот за амнестија.
Тој се уште се нема изјаснето како ќе делува во Собранието. Претходно пратеничката група на ВМРО-ДПМНЕ ја напушти и Чедомир Саздовски исто така од ГРОМ.
Виктор Јованов
