Поранешниот претседател на скопскиот Кривичен суд, Владимир Панчевски, се огласи на својот Фејсбук профил, откако како што пишува, бил избркан од канцеларијата и судската зграда.
„Ете и тоа го дочекав, утрово избркан како партал од канцеларијата и судската зграда, судски полицаец дојде да ја заклучи канцеларијата, ни одлука сум примил, ни официјално сум известен, ниту сум известен за било која од постапките на прогон против мене, освен од медиуми.
Така функционира овој криминален систем!
Тоа е таа ”благодарност” на системот за 24 години стаж во правосудните органи од кои 11 години судиски стаж во Кривичниот суд со потврдени најдобри резултати!
Слава на Зоран Заев и Радмила Шеќеринска!“, напиша Панчевски.