Веб-страницата каде граѓаните требаше од денеска да почнат со електронско закажување вакцинација против Ковид-19 од утринава или воопшто не работи, или пак одвреме-навреме проработува, па повторно паѓа.
Граѓаните прво чекаат неколку минути додека да се вчита страната, а потоа се бара телефонски број за да биде испратен код. Кодот или воопшто не пристигнува, или пристигнува по два часа чекање (во ретки случаи) или пак по извесно време ве известува дека има проблем со конекцијата.
Кога и да ја отворите, на веб-страницата се појавува нешто различно. Понекогаш пишува „Дојдовте на ред, вашето време на чекање е 5 минути“, а потоа се менува во „Вашето време на чекање е недефинирано“, за на крај, целосно да згасне.
Од Министерството за здравство информираат дека во моментов се прават последните технички прилагодувања на веб-страницата преку која граѓаните ќе можат да се пријавуваат со изразување заинтересираност за вакцинација против КОВИД-19.
„Штом се овозможи целосна функција на веб-страницата, ќе информираме повторно“, велат од Министерството за здравство.
Во меѓувреме, социјалните мрежи вријат од комични коментари во однос на веб-страницата за која беше најавено дека ќе биде во функција уште рано изутрина.
Утре граѓаните ќе можат да се пријават на сајтот за вакцинација.
Утре, март, 2023 година
— Kaшлица во твојата уста ? (@kashlicaa) February 10, 2021
Од подготвеност за вакцинација имаме само желба…
Искерено ваша Влада на Северна pic.twitter.com/lpIln0ounG— Чоџукот на Јанаки ////////// (@chodjukot) February 10, 2021
Шу прајш?
– Еве брат чекам ред..
Аман бе нели си направи оналјн да ги плаќаш сметките..
– Не бе, ова на вебсајтот за вакцинација си чекам ред..— Дизи and 99 others (@Dizajnerot) February 10, 2021
Изгледа платформата за пријавување вакцинација е истата онаа од онлајн настава.
Шлјафује….
— Шодер (@Shoeder006) February 10, 2021
Освен по електронски пат, пријавувањето за вакцини може да се врши и преку матичните лекари преку системот Мој термин.
Планот е да се вакцинираат по 880 лица дневно во сите поликлиники во Здравствениот дом во Скопје и дополнителни близу 500 во пунктот во Клиничкиот центар во Скопје. Вакцинацијата ќе почне со здравствените работници и со лица над 70 години.
Утре се очекува првата донација од Србија од вакцините „Фајзер“, а 200.000 вакцини треба да пристигнат, најверојатно наредната недела, од кинеските „Синофарм“.