Хозе Емилио Пачеко, Мексиканскиот поет кој е добитник на Златниот венец на Струшките вечери на поезијата при засадувањето на дрво во паркот на поезијата во Струга рече дека повеќе ги сака дрвата отколку бистите.
„Едно дрво го прави човекот да се чуствува како да е дел од една целина, а кога се прават статуи како да сакате да кажете јас да сум над се останато. Има едно посебно значење тоа што засадив дрво овде. Тоа е нешто што никогаш порано не сум го направил. Мене не ми се допаѓаат статуите. Сметам дека на сите статуи им претстои уништување. Кога се сади едно дрво човекот сфаќа дека припаѓа на нешто возвишено. Кога го кажувам ова мислам дека едно дрво го прави човекот да се чувствува како една целина“, рече Пачеко.