Клиниката за онкологија и радиотерапија покрена дисциплинска постапка против професорот кој беше при инспекцискиот надзор затекнат во вршење дополнителна дејност спротивно на Законот, соопшти Министерството за здравство.
Врз основа на покренатата дисциплинска постапка донесена е одлука за негово времено отстранување од работа во оваа здравствена установа.
Истовремено, упатено е известување до Лекарската комора на Македонија да поведе постапка за времено одземање на лиценцата за работа на професорот.