Сообраќајот на патниот правец А1 Скопје – Велес е нормализиран во две коловозни ленти, извести АМСМ, откако синоќа имаше голем одрон на два километра пред наплатната станица Сопот, а од 21 часот сообраќајот се одвиваше по една коловозна лента поради одронот. Стануваше збор за поголем одрон во должина од 80 метри, поради што се апелираше на зголемена внимателност при движењето на овој патен правец.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.