Отказ за работникот од „Комунална хигиена“ кој фрли отпад во Вардар

Од:

Работникот од „Комунална хигиена“, кој беше фатен како собраниот отпад го фрла во реката Вардар, доби отказ од работа.

Од јавното претпријатие преку соопштение информираа дека денеска е донесена одлука за негово отстранување од работното место.

– Станува збор за работник ангажиран во Одделението за одржување на јавната чистота, кој сторил тежок дисциплински прекршок, притоа сериозно нарушувајќи го угледот на ЈП „Комунална хигиена“-Скопје. Од овие причини беше донесена одлука денеска 10.06.2019 година, ова лице да биде отстрането од работното место, се наведува во соопштението.

Случајот се откри кога на социјалните мрежи и на неколку портали беше објавен видео материјал во кој се гледа како работник од ЈП „Комунална хигиена“ го фрла собраниот отпад во Вардар.

Од ЈП „Комунална хигиена“ истакнуваат дека нема да бидат толерирани ниту едно прекршување на работната етика и дисцилина или обиди за уривање на угледот на претпријатието и оти против сторителите ќе бидат преземени најстроги казнени мерки.

– ЈП „Комунална хигиена“-Скопје перманентно работи на подигнување на нивото на хигиената и чистотата во градот Скопје, притоа бележејќи драстично процентуално зголемување на количествата на отстранетиот отпад од диви депонии, како и отпадот што се собира од домаќинствата и правните субјекти, во споредба со изминатите години. Седум дена во неделата, екипите на ЈП „Комунална хигиена“-Скопје во три смени го собираат и го транспортираат комуналниот отпад, истовремено одржувајќи ја хигиената и на шест милиони квадратни метри јавни и сообраќајни површини, што подразбира нивно секојдневно метење и миење, велат од претпријатието.

Би можело да ве интересира

ВИДЕО: Почна да се гради првиот Дино парк во Скопје

Ана Ололовска

Советничка група на ВМРО-ДПМНЕ: Шилегов го уништува и узурпира Градот, за две недели одлуки за нови 423 партиски вработувања

Ана Ололовска

Советничка група на ВМРО ДПМНЕ: Шилегов наместо да гради, кради по план, зад бетонската тврдина на кровот на ГТЦ стои план за ресторан близок до власта

Ана Ололовска

Дрога и оружје пронајдени во стан во центарот на Скопје

А1он

Во Скопје изменет сообраќаен режим поради „Скопје трча 10К 2019“

А1он

Средношколски игри на Водно

Ана Ололовска