Осуммина турски државјани се уапсени на излезот од Скопје, откако биле пријавени дека физички нападнале тројца жители на главниот град, при што користеле и тврди предмети.
„На 21.06.2021 околу 21.00 часот во Скопје на бул.„А.Македонски“ од полициски службеници од Полициска станица Гази Баба биле лишени од слобода К.А.(28), Е.М.(29), Е.М.(35), Б.У.(28), Б.М.(33), Н.О.(24), И.В.(35) и Г.С.(30), сите турски државјани, поради основано сомнение дека на 17.06.2021 во 18.45 часот, на подрачјето на Центар, физички ги нападнале, К.А.(27), О.Б.(30) и Ф.Н., користејќи и тврди предмети. По документирање на случајот ќе следува соодветен поднесок“, се вели во соопштението од МВР.