Општина Кисела Вода, во рамки на есенската акција спроведе активности за целосно расчистување на сметот/отпадот во урбаните заедници 11 Октомври – бараки и згради.
Со овие активности, во урбаните заедници 11 Октомври – бараки и згради се собираше отпадот/сметот од улиците, тротоарите, тревните површини и парковите кои се под надлежност на Општината. Покрај, ова се собираше кабаст отпад, а се кастреа и исушените гранки на дрвјата и грмушките. Во оваа акција беа собрани 8 тони отпад.
Општина Кисела Вода од почетокот на есенската акција, досега активности за чистење на сметот/отпадот спроведе во урбаните заедници Пржино и Црниче, 11 Октомври бараки и згради, во населба и село Драчево и во месната заедница Подстаница.
Активностите на локалната самоуправа за чистење на сметот/отпадот ќе продолжат да се одвиваат во четврток и петок во урбаните заедници Бирарија и Цветан Димов.
Општина Кисела Вода уште еднаш апелира до сите граѓани отпадоците да ги одложуваат во поставените корпи и контејнери за отпадоци, да се придржуваат до Законот за јавна чистота, се со цел за почиста и поздрава животна средина, за поубава Кисела Вода.