По повод одбележувањето на Европскиот ден на граѓанска правда, Основниот суд Скопје 1 денеска со почеток од 9:30 часот, традиционално, трета година по ред, ќе ги отвори вратите за сите граѓани, медиуми и заинтересирани да го посетат судот.
Граѓаните ќе имаат можност слободно да влезат внатре и да се запознаат со внатрешноста на судот. При разгледувањето на Основниот суд Скопје 1 ќе можат да ги видат судниците, судницата бр.1 каде се одржуваат судењата по предметите од областа на организиран криминал и корупција, судската писарница, кабинетот на претседателот на судот, со што ќе добијат претстава за работата и фукционирањето на најголемиот суд во државата.