Османи: Успешната соработка меѓу Македонија и Јапонија крунисана со зголемен буџет за развојни проекти

Од:

Заменик Претседателот на Владата задолжен за европски прашања, Бујар Османи, во улога на Национален координатор за странската помош во Република Македонија, денеска присуствуваше и се обрати на церемонијата која се одржа по повод потпишувањето на деветте проекти со кои Владата на Јапонија, во рамки на Грант програмата за мали проекти за основни човекови потреби, ќе ѝ обезбеди средства на Република Македонија.

Вицепремиерот Османи во своето обраќање изрази благодарност до Јапонската Влада на оваа поддршка преку која ќе се обезбедат средства за подобрување на состојбите во многу значајни сектори како што се здравствениот и образовниот сектор.

„Посебна благодарност сакам да упатам и до амбасадорката Ханеда, но и до целиот тим на Амбасадата на Јапонија во Република Македонија, со чија упорност и посветеност се обезбедени овие неповратни средства”- истакна Османи, притоа потенцирајќи дека заедничкиот труд резултира со зголемен буџет оваа година за финансирање на оваа програмата за мали проекти, што говори исклучително позитивно за одлична соработка и пријателски односи меѓу Јапонија и Република Македонија.

Поддршката од страна на Јапонија датира уште од самото осамостојување на Република Македонија, период во кој Јапонија има обезбедено голема поддршка преку официјалната развојна помош во повеќе значајни сектори за граѓаните како што се здравство, образование, развој на локалните заедници итн.

„Како Национален координатор за странската помош во Република Македонија имам определба нашата соработка дополнително да се унапредува и во периодот што претстои, и, верувам, со сесрдната и искрена помош на амбасадорката Ханеда, но и на целиот тим на Амбасада на Јапонија дека ќе успееме да ја унапредиме не само развојната соработка, туку и економската, културната и политичката соработка меѓу двете земји”, заклучи Османи.

Би можело да ве интересира

Османи: Владата предводена од Мицкоски сака да ги врати Албанците на нивните периферни позиции од пред Рамковниот договор

Горан Наумовски

Мицкоски: Веднаш по изборите ќе има реконструкција на Владата

Митева: ДУИ кога e на власт работи на еден начин, а кога е во опозиција бара нешто друго

Левица: Додека со донации се лечат повредените од Кочани – владата на ДПМНЕ троши милиони за кафе и ЕКСПО 2027

Горан Наумовски

(ВИДЕО) Јанковиќ: Молк во Владата по објавувањето на скандалот со милионските проневери во Еразмус+

Левица: Инфлацијата јаде, владата молчи