Вицепремиерот задолжен за европски прашања Бујар Османи го отвори Секторскиот мониторинг комитет за ТАИБ, што се одржа во Клубот на пратеници. Паралелно, како што соопшти СЕП, се одржа и трет состанок на Секторскиот мониторинг комитет за владеење на право и фундаментални права, прв основачки состанок за демократија и владеење, трет состанок за конкурентност, иновации, земјоделие и рурален развој, како и прв основачки состанок за образование, вработување и социјална политика.
-Успешното спроведување на проектите финансирано преку ИПА продолжува, и тоа претставува најдобар промотор на европските перспективи на земјава истакна Османи, потенцирајќи дека, независно од политичката состојба во која се наоѓаат европските интеграции по октомврискиот самит, продолжуваат и реформите и хармонизацијата на нашето законодавство со европското, со цел приближување до европските правила, стандарди и вредности.
-Европските перспективи, рече, остануваат водечка улога во создавањето на нашата политика, при, што, унапредувањето на апсорпцијата на ИПА средствата има клучна улога.
На сите состаноци се водеше дискусија за отворените прашања во спроведувањето на Секторските програми финансирани од ИПА 2. Но и за тековните прашања поврзани со отпочнувањето на постапката за затворање на програмата Помош при транзиција и градење на институциите- ТАИБ 2013 година, и затворањето на компонентата ТАИБ како последна програма под ИПА 1.
