Нема договор за коалицирање на ДУИ и ПЕИ и не е договорено ПЕИ да го поддржи кандидатот на ДУИ за градоначалник на Струга, а членството на ДУИ да гласа за кандидатот на партијата на Фијат Цаноски за Маврово – Ростуша, пишува „Плусинфо“.
Портпаролот на ДУИ, Бујар Османи, ги негираше шпекулациите дека двете партии постигнале коалициски договор. Османи за „Плусинфо“ вели дека двете партии разговараат и очигледна е добрата волја и кај двете партии, но договор до овој момент не е постигнат.
„Има разговори, има добра волја кај двете страни, но преговорите сè уште не се завршени. Формирани се работни групи за да се види можноста за соработка, но шпекулација е информацијата дека има епилог, односно дека тие разговори се завршени“, рече портпаролот на ДУИ, Османи.