Министерот за надворешни работи Бујар Османи денеска имаше средба со амбасадорите на Шведска и Полска во Република Северна Македонија, Кристин Форсгрен Бенгтсон и Војтек Тучински, чии земји претседаваат со Организацијата за безбедност и соработка во Европа (ОБСЕ) во 2021 и 2022 година.
-Подготвени сме за блиска соработка со двете претседателства во следниот период, во функција на успешно надминување на предизвиците по прашањата на европската безбедност, вклучително и од аспект на пандемијата која има големо влијание врз економскиот развој и социјалната кохезија, како важни детерминанти на демократската безбедност, истакнал Османи на средбата.
Тој заблагодарувајќи се за дадената поддршка на двете земји за кандидатурата на Република Северна Македонија за претседавање со ОБСЕ во 2023 година, ја реафирмирал определбата на земјава да даде придонес за зајакнување на мултилатерализмот, дијалогот и соработката помеѓу 57 земји-учеснички на Организацијата во функција на имплементацијата на заложбите и обврските преземени од сите земји во рамките на ОБСЕ