Османи на министерски состанок на Алијансата за мултилатерализaм

Од:

Република Северна Македонија, со целосно потпирање врз мултилатералните механизми во обезбедувањето на вакцини, ги чувствува последиците на севкупниот неуспех да се спроведе во дело она за што силно се залагаме на зборови, истакна министерот за надворешни работи, Бујар Османи на онлајн министерскиот состанок на Алијансата за мултилатерализам, што на иницијатива на министрите за надворешни работи на Франција и на германија, Жан Ив Ле Дриан и Хаико Мас, се одржува на маргините на Високиот сегмент на 46-та сесија на Советот за човекови права на ООН.

Како што соопшти МНР, потенцирајќи дека мултилатерализмот останува единствениот можен начин за справување со глобалните предизвици, Османи во своето излагање посебно се осврна на влијанието на пандемијата со Ковид-19 врз продлабочувањето на постојната нееднаквост меѓу развиените и земјите во развој, како и врз нарушувањето на човековите права во глобален контекст.

Во делот на дискусијата на темата: “Новите предизвици за човековите права, подготвеноста и одговорот за справување со пандемијата”, шефот на македонската дипломатија ја нагласи неможноста за еднаков пристап до вакцините, како дополнителен фактор што ги влошува состојбите.

– Алијансата за мултилатерализам претставува важен форум за промовирање на заеднички солуции за глобални предизвици преку зајакнување на мултилатералната соработка. Таа е формирана на иницијатива на францускиот и германскиот министер за надворешни работи во 2019 година. Оваа неформална алијанса е отворена за земји што веруваат дека мултилатерализамот е единствена гаранција за меѓународната стабилност и мирот со решавање нашите предизвици преку соработка, се додава во соопштението на МНР.

Би можело да ве интересира

Османи: Од понеделник започнуваме нова динамика на комуникација со Бугарија

Ана Ололовска

МНР започнува нова десетгодишна надворешна политичка стратегија – Рефлексија 20-30

Ана Ололовска

Средба Османи – Кундурос: Скопје и Атина будно ја следат епидемијата, што поскоро отворање на границите

Ана Ололовска

ВИДЕО: Џамбаски ја нарече Македонија бугарска, МНР протестира во Софија

Жарко Настоски

МНР: Царинската управа одговори за случајот со книгите од Бугарија и со тоа е одговорено на сите прашања

Ана Ололовска

Потребно е законско продолжување на рокот на пасошите, Собранието не смее да се блокира, вели шефот на дипломатијата

Ана Ололовска