Османи-Лирман: Германија останува стратешки партнер за нашите европски интеграции

Од:

Министерот за надворешни работи, Бујар Османи, оствари средба со министерката за Европа и клима при Министерството за надворешни работи на Германија, Ана Лирман.

dobivaj vesti na viber

Посетата доаѓа многу брзо по нејзиното преземање на оваа функција во новата германска влада предводена од канцеларот, Олаф Шолц и само еден ден по изгласувањето на новата влада во нашата земја, чија определба останува иста – евроатлантски континуитет со приоритет на европските интеграции како стратешки интерес на Северна Македонија.

На состанокот беше разговарано за политиката на проширување како важна алатка на надворешното дејствување на ЕУ и евро – интегративното досие на земјата како клучно за кредибилитетот на Унијата, при што беше реафирмирана цврстата германска поддршка за европската интеграција на Северна Македонија.

„Северна Македонија докажа дека силно го застапува европскиот наратив на вредности и е стабилен партнер на европската сцена што придонесува за добросостојбата на регионот. Почетокот на пристапните преговори ќе претставува валоризација на досега сработеното, што во голема мера е постигнато и со поддршка на Германија, чија надворешна политика принципиелно ги застапува и вреднува нашите европски аспирации во овој процес“, истакна Османи.

Државната министерка, Лирман го поздрави напредокот на земјата и нагласи дека земјата заслужува почеток на пристапните преговори и посочи дека ќе даде силна поддршка кон остварување на оваа заедничка стратешка цел.

Односите и соработката меѓу Република Северна Македонија и Сојузна Република Германија ги карактеризира интензивен политички дијалог и значајна динамика на соработка во сите области. Германија е клучен политички и економски партнер на нашата земја, како и значаен партнер во процесот на европските интеграции на Република Северна Македонија. Германија подолг период е најголем трговски партнер на нашата земја. Преку разни регионални проекти за ЕУ, Германија дава поддршка на нашите напори во исполнувањето на препораките на ЕУ и неопходните реформи од европската агенда.

Би можело да ве интересира

Следна средба на Историската комисија со Бугарија дури во септември

А1он

Османи – Шаленберг: С. Македонија и Албанија веднаш и без одложување да ги започнат преговорите со ЕУ

Ана Ололовска

Стратешки дијалог со САД на 2 јуни во Вашингтон

Ана Ололовска

Османи во одбрана на Арифи: Таа е жртва на лажни вести, не била предлог за амбасадор, за во Брисел имало само размислувања

Кристијан Ландов

„Ќе мора да се свртиме дома“, Османи не е сигурен дека Македонија ќе добие датум од ЕУ во јуни

Кристијан Ландов

Османи на средби во Бундестагот

А1он