Османи: Добредојдени се поддршката и инвестициите од Кина

Од:

Заменик Претседателот на Владата задолжен за европски прашања, Бујар Османи имаше средба со Амбасадорот на Народна Република Кина, Јин Лисјен.

Средбата се фокусираше на билатералната соработка помеѓу Република Македонија и НР Кина како и на тековни и планирани проекти кои што се реализираат со поддршка од НР Кина. Севкупните билатерални односи и соработката меѓу двете пријателски земји од страна на соговорниците беа оценети дека бележат нагорен тренд на развој.

Во рамки на средбата соговорниците разговараа и за проектната соработка со НР Кина која се реализира во рамки на договорите за економска и техничка соработка потпишани од 2007 година, кои, оттогаш наваму, се потпишуваат најчесто на годишно ниво, а се однесуваат на областите образование, здравство и комуникации, т.е. мрежно поврзување на државни институции.

Соговорниците констатираа дека до крајот на годината се очекува да се потпише уште еден ваков Договор за економска и техничка соработка за обезбедување помош помеѓу Владата на Република Македонија и Владата на Народна Република Кина, со кој би се обезбедиле 20 милиони кинески јуани, односно околу 2.5 милиони евра и истите би биле наменети за финансирање на проекти за реновирање на училишта, но и други проекти кои би биле утврдени како приоритетни од Владата на Република Македонија.

Османи изрази огромна благодарност за севкупната финансиска помош која НР. Кина и ја дава на наша земја како насока на финансирање на инфраструктурни проекти, така и во насока на финансирање на проекти во областите кои се од витално значење за Република Македонија. Османи додаде дека и во иднина очекува засилување на оваа соработка, потенцирајќи дека финансиската помош, но и инвестициите кои доаѓаат од НР Кина се добредојдени во Македонија.

Би можело да ве интересира

Османи: Граѓаните кои се измамени нема да бидат жртви на урбаната мафија

Османи: Мицкоски е албанофоб, ги мрази Албанците и сака да ги тргне од институциите

Супертајфунот Рагаса ја погоди Кина, 14 мртви во Тајван, 124 исчезнати, шестмина загинаа на Филипините

(ВИДЕО) Старата скопска чаршија е нашата гордост, таа треба повторно да блесне и да стане мотор на културниот развој, вели Османи

Горан Наумовски

Уцени во британската политика, истражителите се сомневаат дека тоа е дело на кинеските служби

Лихачев: Русија ќе ѝ помогне на Кина да ги престигне САД во инсталираниот нуклеарен капацитет