Османи: Да не се ставаат односите меѓу навивачите во корелација со односите меѓу државите

Од:

Најважно е да не се ставаат односите меѓу навивачите во корелација со односите меѓу државите или било кои етнички групи или народи, бидејќи тоа е посебен свет кај навивачите и доколку дозволиме така лесно да се направи корелација и прелевање, само ќе направиме штета на односите. Сите оние кои ќе се обидат ова што се случи помеѓу навивачите да го стават во контекст на односите меѓу државите, немаат добри намери кон тие односи.

Ова е пораката од министерот за надворешни работи Бујар Османи од денешната прес-конференција на која одговараше на новинарски прашање во врска со случувањата поврзани со натпреварот на фудбалските клубови Шкупи – Левски во Скопје.

На прашање од бугарските новинари да ги коментира изјавите од некои бугарски политичари дека со овие инциденти Северна Македонија се оддалечува од Европа, Османи дециден дека „тоа е жално и некоректно“. Повтори дека сите што ќе се обидат да извлечат политички анализи од тензии помеѓу навивачи, тоа го прават злонамерно и не мислат добро на односите меѓу двете држави.

– Ставот на МНР на Република Бугарија беше коректен и тоа јас го ценам како однос на бугарската држава. Политичките партии коишто се обидуваат да добијат политички поени на основа на тензии меѓу навивачите, не и мислат добро ниту на Бугарија, ниту на Северна Македонија, ниту на односите помеѓу двете држави, уште помалку на основа на тензии меѓу навивачи да ја процениме европската подготвеност на Северна Македонија, рече Османи.

Потсети дека МНР веќе ги осуди и побара од надлежните органи да ги преземат сите мерки за да се идентификуваат сторителите и да се изведат пред лицето на правдата.

Тој информира дека и пред натпреварот е комуницирано на ниво на Влада и дека натпреварот е квалификувале како натпревар од висок ризик, а полицијата и МНР ги презеле сите мерки за да не дојде до насилство меѓу навивачите.

– Порано во Северна Македонија често имаше вакви инциденти од различни етнички групи и заедници, секогаш ми бил ставот дека не може преку навивачите да се донесат заклучоци во однос на одностие што ги имаат различните етнички групи, а во овој случај навивачите. Тоа е посебен свет во кој навивачите имаат посебен однос и никогаш не треба ваквите случувања помеѓу клубовите, помеѓу навивачите од било кои групи да се ставаат во контекст на политичките односи внатре или помеѓу државите, рече министерот за надворешни работи.

Османи информираше дека повредениот е во добра здравствена состојба и е во комуникација со Амбасадата на Р. Бугарија и нашите здравствени власти се однесуваат најпрофесионално за да излезат во пресрет на потребата за згрижување.

Прашан за тоа што вчера имаше песна на бугарска телевизија со тешка содржина во смисла на говор на омраза и навреди кон нас, министерот Османи информира дека веднаш штом кога го добил видеото преку воспоставниот канал за комуникација за пријавување говор на омраза, пријавиле во МНР во Бугарија.

– Секогаш ќе има злонамерници и од двете страни, најважно е ние како институции да не дозволиме нарушување на односите и да не дозволиме тие да ни ја диктираат агендата, изјави шефот на македонската дипломатија.

Додаде дека има многу стереотипи, многу недоверба, но затоа, подвлече, ќе мора да има барем некој што размислува поинаку и ги анализира, пријавува, презема мерки и се обидува да наметне конструктивна агенда во односите и да се врати довербата помеѓу двете држави.

Би можело да ве интересира

(ВИДЕО) Во Дортмун се истепаа англиските и холандските навивачи

Заврши едногодишното претседавање на Македонија со ПСЈИЕ – Тирана e иден претседавач

A1on

Османи: Членство во ЕУ на сите учесници во ПСЈИЕ е гаранцијата за стабилноста и наш приоритет

Горан Наумовски

Османи: Преспанскиот договор е повеќе од договор за името, тоа е договор за стратешка соработка

Османи: Во Скопје е надминат „кор-сокакот”, Советот за регионална соработка со нов Генерален секретар

Во Прага средба на Османи со Блинкен