[staff name=”Eлена Георгиевска” position=”Автор”][/staff]Амбасадорот на ЕУ во Македонија, Аиво Орав на вчерашната презентација на проектот „Социјална инклузија на лицата што издржале затворска казна“ во Прилеп, упати забелешка за македонскиот затворски систем, но и надеж дека сите реформски зафати со поддршка од ЕУ ќе донесат резултати.
Евроамбасадорот Орав се осврнал и на поголем број проблеми.
-Лошото менаџирање, материјални услови, ограничената здравствена заштита, недостигот од образовни и рехабилитациски активности, посебно на малолетниците, независен механизам за инспекција, со цел да се третираат тие прекршоци и да се казнат виновниците, остануваат прашања кои треба да се адресираат. Исто така, пренаселеноста во затворите останува во просек до 25 проценти – оценил амбасадорот Орав.
Од Управата за извршување санкции велат дека се инвестирани повеќе од 50 милиони евра за реконструкција на четири затвори, а до крајот на април се очекува да започне да функционира и затворот во Куманово.