На иницијатива на градоначалникот на општина Василево, Марјан Јанев, почнаа градежните активности за уредување на дел од регионалeн пат во селото Владевци.
Уредувањето се состои од поставување бетонска подлога, како прва фаза од планираните активности. Општината изврши посипување со чакал и го тампонираше патот, а во текот на наредните денови активностите ќе завршат со негово асфалтирање.
Лошата состојба на овој патен правец беше една од причините поради која жителите на Владевци се движат по фрекветниот магистрален пат Струмица-Радовиш, кој поминува низ селото.
Должината на делот од патот што ќе се асфалтира изнесува 100 метри, а во извршувањето на работите се вклучени и ЈП за државни патишта и „Македонија пат“.