Општина Василево потпиша договор за асфалтирање на три улици во селата Нова Маала, Седларци и Василево.
Градежните активности ќе започнат во средината на наредниот месец.
– Улицата во Василево е во должина од околу 100 метри, во Седларци седумдесетина метри и истата води кон селската црква, а во населеното место Нова Маала, должината на улицата е околу 300 метри и води кон селската продавница во така наречената „Горна Маала“. Ширината на сите улици е по околу 4 метри, а заедничко е тоа што ќе бидат изградени со асфалт, информираше градоначалникот на Василево, Марјан Јанев.
Вкупната вредност на инвестицијата изнесува околу 1,1 милион денари, а средствата се обезбедени од Буџетот на општина Василево.