Општина Струмица ја заврши постапката и потпиша договор за изградба на фекална канализациска мрежа во населените места Дабиље и Просениково во износ од 38 милиони денари.
Средствата во најголем дел се обезбедени од Европската инвестициска банка и Министерството за транспорт и врски и помал дел од општина Струмица.
На последната седница на Советот на општината советниците донесоа одлука за изградба на канализациска мрежа и во селото Вељуса, а за населените места Баница и Банско во тек е апликација за одобрување средства за изградба на фекална канализациска мрежа за која веќе има комплетна документација и одобренија за градење.