Општина Струмица испрати помош во подрачјата погодени од невремето што го зафатија скопскиот и тетовскиот регион. Уште во раните утрински часови заминаа околу стотина луѓе и специјални возила од Јавното претпријатие за комунални дејности „Комуналец“ и Територијалната професионална противпожарна единица на Струмица.
Согласно одлуката која што треба да биде донесена на вонредната седница на Советот на општина Струмица, а која е свикана на предлог на градоначалникот Зоран Заев, во текот на денот ќе биде испратена и дополнителна помош.
Градоначалникот и претседател на СДСМ, Зоран Заев, денеска ќе биде со граѓаните од погодените подрачја.