Прооден е патот до населеното место Раборци, а продолжува пробивањето кон селата Попчево и Рич и браната „Водoча“, соопштија од општина Струмица.
Поради непроодниот пат, во утрински часови на настава од шесто до деветто одделение во основното општинско училиште „Маршал Тито“ во Струмица, не дојдоа 31 ученик и тоа 23 од Рич, шест од Попчево и два од Раборци.
Општина Струмица и Јавното претпријатие за комунални дејности „Комуналец“ интензивно работат на чистење на снегот во градот и населените места ангажирајќи и дополнителна механизација од локалните градежни фирми.