Општина Струмица продолжи со чистењето на одводните канали за прифаќање на атмосферските води во селото Муртино.
Чистењето се врши со механизација на АД „Водостопанство на Македонија“- Подружница „Струмичко поле“, а вклучено е и Јавното претпријатие за комунални дејности „Комуналец“.
-Чистењето на каналите како превентивна мерка од можни поплави во изминатиот период се реализираше и во други населени места, а ќе продолжи и во останатите каде што има потреба од чистење на каналите, информираа од Општина Струмица.