Општина Струмица од буџетот за 2014 година финансиски ќе поддржи 21 здружение на граѓани и фондации со вкупно 2,3 милиони денари, одлучи комисијата за спроведување на јавниот повик за прибирање на проекти од областа на локалниот економски развој, културата, образованието, здравствената заштита, заштитата и унапредувањето на животна средина, млади и младински политики, како и од областа на социјалната заштита по разгледувањето на пристигнатите проектни иницијативи од вкупно 34 здруженија и фондации.
Здруженијата кои добија финансиска поддршка ги исполниле критериумите наведени во јавниот повик што го распиша општина Струмица, а во рамките на законот за здруженија и фондации.
„Финансиски средства од програмата G1 – поддршка на ЛЕР – трансфер од буџетот на општина Струмица за 2014 година во висина од 1.708.678,00 денари добија вкупно 16 здруженија и фондации, а од програмата V2 од областа на социјалната заштита, финансиската поддршка во висина од 598.486,00 денари ја добија 5 здруженија на граѓани и фондации.Здруженијата кои добија финансиска поддршка своите проектни иницијативи треба да ги реализиираат до крајот на оваа година“, се наведува во соопштението од општина Струмица.