Општина Македонска Каменица и Здружението на пензионери предновогодишно доделија 80 пакети со хумантарна помош на стари и изнемоштени лица во општината. Градоначалничката Соња Стаменкова истакна дека оваа активност е традиционална и е во соработка со Здружението на пензионери од оваа општина.
– Ние ја продолжуваме традицијата која е на иницијатива на Здружението, а целта е да им покажеме почит и на оваа категорија нашите сограѓани. Желбите се подобро здравје и посреќна нова година, рече Стаменкова.
Видан Конески, претседател на Здружението на пензионери истакна дека ќе бидат посетени сите пенизонери кои од здравствени причини се врзани во кревет или не можат да излезат од нивните домови, за да им се испрати порака дека Здружението мисли на нив и бара начин како да им помогне во животот.