Општина Карпош со комуникациски протоколи за родова еднаквост

Од:

Општина Карпош, како една од десетте нововклучени општини во проектот за интегрирање на родовата перспектива во локалните политики и буџетот, преку координаторот за еднакви можности ги презентираше сопствените комуникациски протоколи за родова еднаквост во општините на патот кон создавање целосно родово одговорна општина, на завршниот Форум на општински пракси: Кон родово одговорни општини, кој вчера се одржа во Скопје, организиран од ЗЕЛС и UN Women Skopje.

Со секоја своја активност, се вели во соопштението од општина Карпош, во сферата на еднаквите можности на жените и мажите, општината е на чекор поблиску до постигнување на родова еднаквост.

– Преку редовна двонасочна комуникација со општата и сегментираните јавности кои ги допираат овие прашања, како и активните мерки и политики што ги пременува, општината се труди да ја подигне свесноста за родово сензитивните прашања, кои всушност спаѓаат во доменот на основните човекови права и слободи. Во нивната имплементација клучна е подршката што ја има од Комисијата за еднакви можности составена од осум члена од советниците на Карпош, интерсекторската група која помага во креирање на дата базата на родово поделена статистика, акциските планови и алоцирањето на средства за нивна реализација, како дел од општинската политика на градоначалникот Стефан Богоев, се наведува во соопштението.

Вакви оригинални комуникациски искуства прикажаа и Општините Кочани и Делчево, а дел од праксите изнесоа и општините Центар, Ѓорче Петров и Аеродром.

Своите искуства на патот до поефикасна родова интеграција во општините ги презентираа и градоначалничките на Општина Битола – Наташа Петровска, на Општина Македонска Каменица – Соња Стаменкова и Изабела Павловска, претседателка на Совет на Општина Крива Паланка.

Би можело да ве интересира

СДСМ: Очајнички чекори на ВМРО-ДПМНЕ пред извесниот пораз што им следува во Град Скопје и Карпош

А1он

Без вода утре неколку улици во општина Карпош

А1он

Стевчо Јакимовски ќе се кандидира за нов мандат во Карпош

А1он

Жени се тепале во Карпош, па се вмешале и мажите – еден е ранет со нож

Жарко Настоски

Реконструкција на повеќе улици во Карпош

Ана Ололовска

Брат-близнак ги тепал сестрата и мајката во Карпош, им се заканувал со нож

Жарко Настоски