Во рамките на заемната соработка на општина Карпош и Скопје Сити Мол, во придружба на Општинската организација на Црвениот крст на Карпош, денеска пред големиот супермаркет „Керфур“ беа поставени штандови на кои граѓаните од 10 часот наутро па се до 20 часот навечер, ќе можат да донираат хуманитарна помош за поплавените места во Србија и БиХ.
Потребните продукти од вода, конзервирана храна, прибор за јадење за еднократна употреба и продукти за лична хигиена, ќе бидат доставени до кризните подрачја во Србија и БиХ, како хуманитарна помош.