Денеска, на улица „Македонија“ започна традиционалната четиридневна манифестација, „Денови на македонскиот мед“. Домаќин на манифестацијата и оваа година е општина Центар.
„Посебно ми е драго што општина Центар е домаќин на „Деновите на македонскиот мед“. Но, вистински домаќини се децата од трите центарски градинки. Вистински домаќини се овие пчелички, цветови, буба мари. Ова е веќе традиционална манифестација, 12-та по ред и општина Центар и јас како градоначалник, секогаш ќе бидеме тука за да поддржиме вакви манифестации”, порача градоначалникот на општина Центар, Андреј Жерновски, отворајќи ги „Деновите на македонскиот мед 2016“.
Присутните на улица Македонија уживаа во играта и песната на сите деца од трите градинки од општина Центар, кои претходно, преку едукативни предавања, се запознаа со корисните својства на медот начинот на негово настанување и благодетите од медот, матичниот млеч и прополисот.
Оваа година, на манифестацијата учествуваат 32 најдобри производители на мед во Република Македонија.