Oпштинското основно училиште „Гоце Делчев“ вчера попладне беше посетено од Државен санитарен инспектор кој утврди дека сите проблеми за непречено одвивање на образовниот процес се отстранети, соопштија од општина Центар.
„Фасадата на училиштето во целост е завршена, внатрешните простории се реновирани и целиот објект е исчистен и подготвен да ги прими учениците во понеделник, 10 септември. На учениците им се извинуваме поради пролонгирањето на првиот училишен ден и во исто време се надеваме дека реновираниот простор ќе им обезбеди добри услови за учење и престој. На сите ученици од ООУ „Гоце Делчев“, општина Центар им посакува успешен почеток на учебната година и многу успеси“ се вели во соопштението на општина Центар.