Герасимовски: И во вториот мандат политиката ќе биде целосно тргната на страна

Од:

Актуелниот градоначалник на Општина Центар и кандидат за втор мандат Горан Герасимовски рече дека верува оти центарци и во вториот круг ќе го одберат концептот „За Центар што го сакаме“.

„Се надевам дека сите оние коишто веруваат во нашиот концепт дека и во вториот круг ќе го дадат својот глас за заедно да ја водиме општината и во наредните четири години. Покажавме различност, немавме мнозинство во советот. Претседател на советот беше од друга политичка партија. Но, и сега имаме интересен состав на советнички групи од повеќе политички партии и верувам дека ќе го прифатат истиот концепт којшто го имавме изминатите години. Продолжуваме да работиме во интерес на граѓаните. Сите советнички групи и политиката ќе биде целосно тргната на страна во Општина Центар“ – рече Герасимовски.

Тој потенцира дека има одлична програма, којашто е пишувана заедно со граѓаните, за разлика од некои против кандидати кои ги имаат копирано проектите од програмата.

„Ние самите проекти ги пишуваме со граѓаните четири години наназад. Нашите буџетски форуми кои ги предлагаме ќе ги направиме во текот на следната недела. Ги слушаме граѓаните. Верувам дека граѓаните ќе го препознаат концептот, во првиот круг го препознаа, верувам дека и во вториот круг ќе го препознаат и ќе ни ја дадат целосната доверба. Ги повикувам сите оние жители, сите оние центарци коишто во првиот круг дадоа глас на одредени политички партии и независни кандидати да ни се приклучат во концептот „За Центар што го сакаме“ за заедно да ја направиме општината поубаво место за живеење на сите“, порача Герасимовски.

Би можело да ве интересира

ВМРО-ДПМНЕ: Бетон Герасимовски вети бесплатен, а не субвенциониран оброк за учениците од септември

Предраг Петровиќ

Хасан: Бетон Герасимовски го допре дното, ја преименува ,,Феникс“ и не додели награди на лица кои комисијата ги избра за добитници

Предраг Петровиќ

ЗНАМ: Општина Центар не знае колку згради се градат во моментов, нема ниту градежен инспектор да ги брои

А1он

Кирков: Филипче и Горан Бетон Герасимовски, каде се паркинзите и зеленилото во Буњаковец?

Ќе се проценуваат ризиците од свлечишта и нестабилност пред планот за Барутана да оди на гласање, ветува Герасимовски

Катерина Ѓуровски

Општина Центар најави нова дератизација, откако граѓаните се пожалија на наезда на глувци

Катерина Ѓуровски