Општина Центар распиша оглас за субвенционирање на енергетски ефикасни фасади за сите постари станбени единици во општината, информираше денеска градоначалникот на општина Центар, Саша Богдановиќ.
Заинтересираните станари може да се пријават од 15 до 30 април по што комисија одредена од општината ќе решава дали пријавената зграда ги исполнува условите за субвенционирање на овие енергетски фасади.
– Новите фасади на зградите ќе бидат во идентичен стил како до сега, а не во барок, против кој се боревме, рече Богдановиќ.
Тој исто така најави дека општината ќе ги поправа крововите и лифтовите на зградите постари од 25 години.
Виктор Јованов