Општина Центар информира дека во рамки на Меморандумот за соработка со Универзитетот за туризам и менаџмент во Скопје, обезбедува 15 стипендии за студенти за учебната 2022/2023. Општината ги повикува сите заинтересирани да се јават на повикот и бидат дел од новата студиска година.
Заинтересираните треба да аплицираат со овие документи:
1.Мотивациско писмо со биографски податоци, во кое се наведува досегашно образование, постигнат успех, познавање на странски јазик и причина за конкурирање на овој повик,
2. Копија од диплома за завршено средно образование/копии од свидетелства за завршени учебни години,
3.Копија од лична карта,
4.Уверение за македонско државјанство и
5.Изјава со која се потврдува дека не е корисник на друга стипендија
Сите дополнителни награди, признанија, познавање на странски јазици ќе се земат во предвид при крајното рангирање.
Пријавата со потребните документи, треба да се достави заклучно со 28.09.2022 со назнака “Повик за доделување на стипендии за додипломски студии“ во архивата на Општина Центар. За сите дополнителни информации, може да се јавите на телефонскиот број 075 219 142.