Обединети за Македонија е со став дека сериозноста на состојбата упатува на потреба од соодветни чекори и решенија.
Меѓу првите, според Обединети за Македонија би требало да биде воведувањето на евтина тарифа на електричната енергија за времетраење на безбедносните мерки.
„Изолацијата во домови секако ќе влијае врз зголемувањето на потрошувачката на електрична енергија. Од таму, апелираме да се воведе целосна евтина тарифа, се додека се во сила безбедносните мерки, со цел да им се олесни и помогне особено на оние со ниски примања и други социо-економски проблеми. За нив ресорните министерства би требало да организираат распределба на социјални пакети и друг вид помош“, соопштуваат од ОМ.
ОМ ја информира јавноста дека со одлука на Претседателството сите партиски активности се пасивизирани.
