Кандидатот за градоначалник на Богданци од коалицијата „За подобра Македонија“ Анастасија Олумчева попладнево во присуство на министерот Панче Кралев информираше дека нејзин најголем приоритет во образованието ќе биде изградба на спортска сала во основното училиште „Петар Мусев“.
– Мора да се изгради спортска сала во училиштето за да има место за спортските активности на учениците. Само во спортска сала тие можат да ја изразат својата желба за конкуренција, играјќи на разни турнири и купови, рече Олумчева.
Таа и министерот Кралев го посетија советот на родители и училишниот одбор на ОУ „Петар Мусев“ и присуствуваа на нивната трибина за да ги слушнат проблемите со кои се соочуваат.
Олумчева и Кралев се согласија дека е многу важна комуникацијата меѓу локалната самоуправа и ресорните министерства и дека нема да дозволат да опадне нејзиниот сегашен квалитет.