Кандидатот за градоначалник на ВМРО – ДПМНЕ и на коалицијата „За Подобра Македонија“ за општина Богданци, Анастасија Олумчева денеска оствари средби со жителите на општина Богданци.
Целта на овие посети беше да се детализираат проблемите кои соодвестуваат со ингеренциите на општината и за нив во иднина да се делува со соодветни решенија. Олумчева посочи дека најитно треба да се решат проблемите поврзани со локалната инфраструктура.
Жителите на општина Богданци ја изразија потребата од асфалтирани улици и соодветно улично осветлување со цел побрз и поадекватен пристап до нивната работа и нивните домови.
На децата им треба место каде да играат и да се дружат, а на родителите им треба времето и комодитетот кој асфалтираните улици можат да им го дозволат, изјави Олумчева.
Исто така е констатирано дека е неопходна поефикасна комуникација на граѓаните и идниот градоначалник.