ОЈО поднесе обвинение против 36-годишен скопјанец за трговија со марихуана и амфетамини

Обвинителен акт против 36-годишен скопјанец, осомничен дека сторило кривично дело „неовластено производство и пуштање во промет наркотични дроги, психотропни супстанции и прекурсори“ поднесе денеска јавен обвинител од Основното јавно обвинителство Скопје.

– Обвинетиот 36-годишен скопјанец се товари дека неовластено во дом во кој престојувал на улица „Охридска“ држел наркотична дрога – марихуана со вкупна нето тежина од 276,43 грама, како и психотропна супстанција – амфетамин со вкупна нето тежина од 486,06 грама. Освен ова, во домот биле пронајдени и полиетиленски пакувања со 29 таблети со жолта боја и втиснато лого „ТЕСЛА“ кои претставуваат психотропна супстанција 3,4 метилен-диоксиметамфетамин (МДМА), како и дигитални ваги и стаклен тас со остатоци од наркотични дроги и психотропни супстанции, се вели во соопштението од ОЈО.

Со поднесувањето на обвинението, од јавниот обвинител до Основниот кривичен суд – Скопје е доставен и посебен предлог за продолжување на веќе определената мерка притвор за обвинетото лице.

Би можело да ве интересира

Поведена постапка за две лица кај кои е пронајдена дрога

Поднесено обвинение за неовластено држење амфетамини

Ана Ололовска

Поднесено обвинение за дилер на дрога

Ана Ололовска

Приведен 15-годишник кај кого е пронајдена марихуана

Ана Ололовска

Петмина приведени поради марихуана

Ана Ололовска

Во Кина уапсени 16 странци и тројца Кинези за употреба на дрога