Учениците и наставниците од ОУ „Климент Охридски“ од Охрид денеска по повод Светскиот ден на планетата Земја организираа групно возење велосипед од Градскиот плоштад покрај езерото до Горица 1.
Акцијата насловена „Ден без автомобилски чад – ден на велосипеди“ има за цел на симболичен начин да се апелира до возрасните што помалку да ги користат автомобилите што со своите издувни гасови го загадуваат воздухот, а наместо нив многу повеќе да ги користат велосипедите како превозни средства, како што тоа е пракса во развиените европски држави како Холандија, Норвешка, Шведска, Данска.
Организаторите изразија надеж дека акцијата ќе биде успешен апел до граѓаните што помалку да ги користат автомобилите и на тој начин да го зачуваат Охрид како незагаден и чист град.