Општата болница во Охрид денеска и утре ќе функционира без електрична енергија бидејќи се врши приклучување на новоизградениот болнички објект на системот за електрична енергија.
Од болницата известија дека за потребите на пациентите, во амбулантите на оваа здравствена установа апаратите се приклучени на агрегати.
Новата зграда на болницата се градеше во текот на изминатите години на местото од некогашниот стар и дотраен павилјон каде беа сместени повеќе одделенија.